NVK-ONLINE.RU — 3 күн устата ньиргиччи ыытыллыбыт дьаарбаҥкаҕа республика араас муннуктарыттан, ол эбэтэр 26 улуустан, итиэннэ Дьокуускай куораттан, барыта 3000 тахса киһи кыттыыны ылла.

Хас эмэ сыл устата кэтээн көрбүт, үөрэппит, олоххо киллэрбит бырайыактарын, оҥорон таһаарбыт кинигэлэрин, методическай пособияларын, онтон да атын үлэлэрин аҕалан хас да секциянан арахсан, анал экспердэргэ кэпсээтилэр, атын улуустан кэлбит биир идэлээхтэригэр уопуттарын тарҕаттылар.

Кэнники кэмҥэ эр дьоннор бу эйгэҕэ үлэлииллэрэ элбээн иһэрэ киһини үөрдэр.

Ол курдук хас да улуустан оскуолаҕа киириэн иннинээҕи саастаах оҕолорго иитээччинэн үлэлиир эр дьон мустан форум тэриммиттэр.

Бу курдук, “Тыа сирин оскуолата” диэн республикатааҕа дьаарбаҥкаҕа кыттыбыт дьон-сэргэ сүрдээҕин астынан, инники үлэлэригэр өссө элбэх билиини иҥэринэн, кэскиллээх былааннары торумнаан бэрт туһалаах тэрээһин ааста диэн бэлиэтээтилэр.

Яндекс.Метрика